Davao City – Adunay mas daghang kaso nga naka-pending pa sa atong mga hukmanan ang angay unang hatagan og igong pagtagad inay sa planong pagpasaka og kasong ‘inciting to sedition’ sa pipila ka mga complainants batok kang Senador Antonio Trillanes IV.
Matud ni Ateneo de Davao University (ADDU) Political Science and History Professor Ramon Beleno III sa interbyu kaniya sa tulumanong ‘Straight to the Point’, walay direktang epekto alang sa kalamboan sa systema sa hudikatura sa Pilipinas ang kaso versus kang Trillanes kun dili maresolba ang mga ‘clogged cases’ o ang mga nagkatipun-og sa gihapon nga mga court dockets nga anaa karon sa nagkadaiyang mga sala sa entero nasud.
Dugang sa propesor nga kun kwestionon si Trillanes, dili ikapanghimakak nga aduna usay mga giluwatang pamahayag si Pres. Rodrigo Duterte nga makonsidera nga ‘violation’ sa mga probisyon sa atong mga balaod bisan pa man kun gikonsidera kini sa estado nga ‘black propaganda’ batok sa Duterte administration.
RadyoMaN Jason Amisola
