Davao City – ‘Practicable’ ang August 24, 2020 alang sa pagsugod sa klase aron makita sa gobyerno kung unsa ang kahimtang sa mga tawong infected sa COVID-19.
Segun ni Ateneo De Davao University (ADDU) Political Science Prof. Ramon Beleno III, ang duha ka bulan maoy mag-determinar kung i-oktaba ba or ipadayon ang klase sa mga lugar nga positibo sa COVID-19 infection ug aron ma-ready ang mga magserbisyo sa natad sa edukasyon.
Himoon nga ‘systematic and programmatic’ ang preparasyon sa pag-abli sa klase diin walo ka estudyante ang tugtan sa usaka classroom matag adlaw hangtud makumpleto ang 40 ka estudyante sa tibuok semana.
Alang kang Beleno, dili makaya sa present telecommunication infrastructure capability ang paglukop sa signal sa tanang lugar sa Pilipinas aron mahinayon ang mga online classes sugod karong August 24.
Sumala ni Beleno, daku’g tabang ang mga estasyonan sa radyo nga mulabay og signal sa malagyong lugar aron ang mga estudyante nga walay internet makapadayon gihapon sa pagtoon pinaagi sa eskwelahan sa kahanginan kun ‘schools on-the-air.’
Giuyunan usab ni Beleno ang pagsingil og miscellaneous charges sa mga pribadong eskwelahan sanglit may mga panahong mugamit gihapon og school computer, laboratory ug library ang mga estudyante gawas pa sa ubang galastohanan sama sa sweldo ug operating expenses sa nasangpit nga mga tunghaan.
RadyoMaN Joel Viray
