Gisilutan sumala pa pinaani sa pagsunog ang Belhill Cinstruction Company nga taga Surigao City tungod sa pakyas nga pagtubag sa sulat ug kumunikasyun nga gihimo sa kalihukan ngadto sa tag-iya.
Kini maoy giangkon ni Ka Leo de Guerra, spokesman sa Guerilla Front Committee 16 labut na sa pagkaugdaw sa duha ka backhoe.
Gidabdaban sa mga rebilding NPA bandang alas dose sa udto kagahapon sa Karihatag, Malimono sa Surigao del Norte.
Sumala pa ni de Guerra pakyas ang construction company sa paghatag sa revolutionary tax, nga gidemand sa NPA sa mga lugar nga giisip nila nga territoryo sa rebolosyunaryong kalihukan.
Apan sa habig sa militar giisip nila kini nga tataw nga extortion ug pagpangilkil.
Sumala pa ni Pssgt Pablo Cabajes, Jr. imbestigador sa Malimono Municipal Police Station nga mokabat sa 20 ka mga rebelding NPA nga armado sa tag as nga kalibre sa armas ang mga responsible sa maong hitabo gamit ang gasolinea nga gisulod sa gallon.
Dugang sa opisyal nga ang maong mga rebildi ang responsible usab sa pagpangharas sa detachment sa brgy Tinago sa susamang lungsod.
Dasun pa ni Cabajes nga ang maong mga rebildi gipanguluhan ni Ka Zanjoe nga naglihok sa Guerilla Font 16 sa Surigao del Norte.
Nasayran nga ang maong mga ekipo ang gigamit sa pagtrabaho sa gihimong provincial road sa brgy karihatag nga magdugtong sa lungsod sa mainit lalawigan sa Surigao del Norte.
Sa pagkakaron padayong pang giimbistigahan sa malimono pnp ang nag unang hinungdan ug motibo sa pagpangsunog ug hangtod sa pagkakaron wala pa nasuta sa kapulisan kung pila ang danyos sa duha ka back hoe nga naugdaw.
Natigayon ang maong panghitabo bandang alas dose sa udto kagahapong adlawa didto sa brgy Karihatag, Malimono Surigao del Norte.
