Gibutang na karon sa ‘hot seat’ sa Judicial and Bar Council (JBC ) ang tanang mga kandidato kun mga nominado alang sa mabakanteng posisyon nga giluwatan ni Ombudsman Conchita Carpio Morales.
Usa sa mga nominees mao si Labor Sec. Silvestre Bello III kinsa gibali-bali ug pangutana sa mga JBC officials kalabutan sa iyang katakos ug abilidad nga molingkod sa maong posisyon.
Usa sa gibatbat ni Bello nga ilawom sa iyang liderato sa DOLE, nilampos kini sa pag-regularize sa mokabat 182,000 contractual workers nga wala nahimo sa kanhi-ay’ng rehimen ilabi na sa departamento sa pamuo.
Sa daw cross examination nga interview, gipasalig ni Bello nga kun siya maoy mapiling bag-ong Ombudsman, iyang sandigan ang independence sa hudikatura.
Si Bello beteranong government functionary kinsa nakahupot na kanhi-ay sa portfolio nga former Minister of Justice, former Solicitor-General, former cabinet member, former GRP Panel chairman ug uban pang lingkuranan.
RadyoMaN June Duterte
