Davao City – Gikonsidera karon sa usaka iladong political analyst ug anti-war activist sa nasud nga ‘temporary setback’ lamang ang wala pagkasinabtabay sa gobyerno ug CPP-NPA-NDFP nga nisangpot na sa kanselasyon sa peacetalks.
Sa pakighinabi kaniya sa programang ‘Straight to the Point,’ gibutyag ni Dr. Walden Bello nga nabalaka siya sa orden ni Pres. Rodrigo Duterte nga ipadeklara ang CPP-NPA-NDFP nga usaka ‘terrorist organization’ nga maoy nagpahugno sa gibanhaw nga peace process.
Gibutyag usab sa kanhi miyembro sa Akbayan partylist group nga iyang gikabalaka ang labing ulahing orden ni Duterte nga ilusad ang ‘mass arrest’ sa mga lideres sa mga NDFP consultants kinsa unang gi-release usab sa kasagsagan sa peacetalks resumption sa dihang nilingkod si Duterte sa Malacañang.
“Both sides should provide that ‘confidence-building’ (measure) and that they are willing to go back to the negotiation table,” dugang pamahayag ni Bello kinsa namahayag nga importante usab ang papel sa mga ‘third party negotiators’ sama sa Royal Government of Norway kinsa sa makadaghang higayon nahimo nang instrumento kun tulay aron i-konektar pag-usab ang naguba nga relasyon tali sa estado ug sa Philippine Maoist communist Left.
RadyoMan Jason Amisola
