BACOLOD CITY, NEGROS OCCIDENTAL – Nagpatigayon sang hublag protesta ang mga labor groups diri sa probinsya subong nga adlaw Lunes, Mayo Uno ukon Labor Day.
Ini ang ginpangunahan sang grupo nga Bukluran ng Mangagawang Pilipino (BMP) kag mga kaalyado niya sini.
Kaupod sa panawagan sang amo nga labor groups ang pagpa resign sa pwesto kay Labor Secretary Silvestre Bello III.
Dismayado ang grupo suno sa ila sa pangako sadto ni Pres. Rodrigo Duterte nga tapuson niya ang contractualization scheme sa idalum sang iya administrasyon pinaagi sa Department Order 174 sang Department of Labor and Employment (DOLE).
Samtang, separado man nga hublag protesta ang ginpatigayon sang Kilusang Mayo Uno – KMU, National Federation of Sugar Workers (NFSW) kag iban pa nga kaalyado nga grupo angut man sa amo nga issue.
Pila sa mga panawagan nila ang P750 nga minimum wage lakip man ang isyu sang High Fructose Corn Syrup (HFCS) sa diin kon indi mapunggan, dako ang epekto industriya sang kalamay sa probinsya ilabi na sa mga mamumugon.
