TACLOBAN CITY – Gin-anunsyo han Department Of Social Welfare and Development (DSWD) Region 8 ha RMN Tacloban nga yana na nga Hunyo 12 an pagdistribwer han cash cards nga may sulod na cash grant para ha upat nga probinsya, an Western, Eastern ngan Northern Samar ngan Southern Leyte.
Ha interview han RMN kan DSWD Regional Director Restituto Macuto, durungan na ididistribwer han Landbank Of The Philippines yana nga maabot nga martes an cash cards para ha upat nga probinsya.
“Starting June 12 sabay-sabay na pong ididistribute ang cards, kung saan mayrong Landbank mayroong distributions na magaganap.”
Pero ginlalauman han mga benepisyaryo han Pantawid Pamilyang Pilipino Program (4P’s) nga makukuha nira an sobra 10 kabulan nga cash grant. Ha eskplenasyon han opisyal, kanan 6 kabulan la anay nga kantidad an makukuha han mga benepisyaryo.
“We are expecting na sampung buwan pero nung nagproduce ng cards hindi pa naman natapos ang pay 6. So ang makukuha ng pantawid ay pay, 3, 4, and 5 meaning anim na buwan ang laman ng card pero pagkatapos nun ipapasok din ang pay na December-January ang period.”
81,000 nga benepisyaryo an makakakarawat hin cash cards nga may sulod na nga cash grant han kanan upat nga probinsya.
Pahimatngon han opisyal ha mga benepisyaryo han pantawid nga halabaon la anay iton ira pasensya tungod nga nagkamayada man gud problema ha ira partner nga bangko.
Ini naman nga pagdistribwer han cash cards in maupay nala nga na-timing ha pag-abri han klase para ha mga kabataan.
