Anta tayo na say paskon pinoy et sakey ed sankakulayan tan andukey ya selebrasyon ed interon mundo. Tanu unsapit lay “Ber Months” sigurado so sari sarin pakulo ya nanengneng ed masapbay ya selebrasyon na pasko. Sigurado ya wadyad nunut tayo nu nariringel tayo nu Ber months et simbang gabi, iray nanduruman klasen parol, karoling tan kakkanen singa putobungbong, bibingka at mga prutas. Sakey labat ya ed rason ya aalagaren na sikatayuran Pinoy nu Ber months.
Ta umpisa la so Ber Months, sikami diyad 104. 7 Ifm Dagupan labay mi ya nalitna yo so maliket ya selebrasyon na Pasko ed pangusar na saray laba labay tayuran Christmas Songs. Umpisa la natan ya September 1, 2017 anggad diad pasko iaabuloy mi so “I-PASKO NA!” kada Lunes anggad Sabado, alas kwatro anggad alasinkoy kabuwasan.
Aliwan satan labat wala ni sorpresa ya itarya mi para ed amin ya dumiringel na 104. 7 Ifm Dagupan diya ed parte na masapbay ya pamasko.
