Human nga gipaklaro ni Executive Secretary Lucas Bersamin nga dili holiday ang November 3 ug wala usab gideklarang non-working holiday ang Oktubre 31, niani kini og daghang komento sa social media.
Matud pa kang Stephen Duran sa usa ka Facebook post nga usa kini ka heartbreaking nga balita tungod matud pa gihikawan ang mga Pilipino nga makagahin og oras kauban ang pamilya.
Malaumon usab ang usa ka Benjamin Arino nga matandog ra ang kasingkasing sa mga taga Malacañang ug aduna’y mahitabong last minute declaration.
Ug sumala pa sa sa ubang netizens nga wala na sila’y mahimo kung mao na gyud ang mando ug sundon nalang kini sa maayong kabubot-on.
Samtang sa dugang pamahayag ni Bersamin, nagpahimangno siya sa publiko nga dili dayon mutoo sa mga ‘fake news’ ug ‘fake memorandum’ nga nikatag online.
RadyoMaN Ivy Parido
Facebook Comments
