‘Berya’ drug group sa Negros may surrender feele r

83

NEGROS OCCIDENTAL  –  Ginconfirm ni PNP Regional Office 18 Regional Director Police C/supt. Renato Gumban nga nagpadala sang surrender feeler ang lider sang isa sa pinakadaku nga drug group sa Negros Occidental nga si Berya Tolentino.

 

Suno kay Gumban na wala labot kay Tolentino, may iban pa gid nga mga drug lords sa Negros Island Region na nagpadala man sang feeler sa iya talatapan nga ini sila ang luyag na nga magsungka.

 

Dugang pa ni Gumban, indi na masarangan sang mga drug groups ang pressure sang mga operasyon sang Philippine National Police pinaagi naman sa Oplan Double Barrel Alpha Reloaded.

 

Sa affidavit ni Ricky Sereño, ginasiling nga ‘paymaster’ sang Berya drug group nadalahig ang mga pangalan sang mga kapulisan nga iya ginatagaan sang semanal nga payola.

 

Isa sa mga gintumod sini amu mismo si PS/Supt. William Señoron, ang provincial director sang Negros Occidental Provincial Office (NOCPPO) nga ginasiling nagabaton sang indi magnubo sa P1.2M nga bulanan nga payola gikan sa nagkalain lain nga sindikato sang druga sa probinsya.

 

Pila man sa mga katapo sang NOCPPO kag Bacolod City Police Office (BCPO) ang ginpanghaboy na sa ARMM kag Cordillera Administrative Region (CAR)./dyHB BACOLOD




Sereño, Señoron, Oplan Double Barrel, NOCPPO, BCPO, PRO18


Facebook Comments