Sa eksklusibong interbyu sa DXDC Team sa bestfriend sa menor de edad nga maoy unang nakakita sa patayng lawas, gisaysay niini nga kagahapong adlawa Lunes pasado alas 10 sa buntag nakamata nalang siya’g kalit kay nanamilit matud pa ang biktima sa iyahang damgo.
Dihang gipukaw na niini ang biktima wala na kini galihok ug nakumpirmang wala na usab kiniy kinabuhi.
Gisaysay sa mga higala niini nga kauban sa kwarto nga gihilantan ang biktima niadtong Dominggo ug wala kiniy gibutyag pa nga lain gihambing balatian.
Nasubo ang maghigala sa kamatayon sa ilahang bestfriend ug nailo niini ang iyahang usa ka tuig nga anak nga babae.
Gisugyot sa kapulisan nga ipailawom sa autopsy ang patayng lawas sa 17 anyos nga babae aron masuta ang cause of death.
Samtang, gibutyag sa admin officer sa Padre Pio Funeral Services atol sa pakighinabi sa atong team nga wala na nagpa-autopsy ang mga ginikanan.
Nitabang usab ang funeral homes sa pamilya tungod sa kapobrehon wala kiniy ikabayad.
Gihaya ang biktima sa ilahang balay sa Barangay Tibuloy. Toril, Davao City.
RadyoMaN Aimee Guinita
