Davao City – Kinahanglang seryosohon ug kanunay himoon ang mga earthquake drills isip kabahin sa normal nato nga pagpangandam kung unsay angay nga pagahimoon kung dunay linog nga mahitabo.
Sumala ni Prime Cruz, Kabalikat Civicom Davao City Chapter Head, kinahanglan nga ang mga eskwelahan magbaton ug mga hard hats nga sul-ubon sa mga estudyante aron dili magrabihan kung maigo sa mga mahulog nga butang panahon sa linog, tungod kay kasagaran sa mga bag-ong gambalay sa mga tunghaan karon kongkreto na.
Matud ni Cruz, aron malikayan ang nahitabo sa usa ka estudyante sa Kasuga National High School sa Magsaysay, Davao del Sur nga naigo sa ulo human nahulogan sa hollow block resulta sa iyang palta-swerteng kamatayon.
Samtang gipasabot ni Cruz nga walay koneksyon ang sunod-sunod nga linog nga nasinatian diha sa posibleng pagbuto ang usa ka bulkan sama pananglit sa Mt. Apo, Mt. Matutum or Mt. Parker denhe sa isla sa Mindanao.
RadyoMaN Bernard Pantallon
