Davao City – Subling nagpasidaan ang Task Force Davao (TF Davao) kabahin niining bomb joke sa pagtoo sa ubang tawo nga sa airport lamang kini gidili.
Sumala ni TF Davao Deputy Commander Col.Randolf Cabangbang, sa bisan asang pampublikong lugar lakip na sa social media sama sa Facebook, Twitter ug uban pa sa syudad hugtanon kining gidili tungod kay dunay ipahamtang nga silot kung kinsa kadtong masakpan.
Nagpasidaan usab si Cabangbang nga bisan sa text ug sa pagsulti nga dunay bomba sa usa ka bag o butang nga gibilin sa usa ka lugar, dili kini komedya or binuang lang.
Usa kini ka paglapas sa Presidential Decree (P.D.) 1727 diin kadtong nadakpan pahamtangan sa pagkabilanggo hangtod lima ka tuig o multa nga di molapas sa P40,000.
RadyoMaN Bernard Pantallon
