Padayong giwarningan sa Bureau of Fisheries and Acquatic Resources (BFAR) -7 ang publiko nga di una manguha ug mokaon sa tanang matang sa kinhason nga anaa kabaybayonan sa lungsod sa Dauis ug syudad sa Tagbilaran sa lalawigan sa Bohol.
Matud ni BFAR-7 Regional Director Dr. Alan Poquita pabiling positibo sa red tide toxins ang mga nakuha nika nga sample sa kinhason gikan sa kabaybayonan sa maong duha ka lugar sa Bohol nga ilang gipaubos sa laboratory testing.
Apan ang mga isda , nokus , lambay , pasayan ug ubang makuha sa kadagatan gikan sa maong duha ka lugar luwas ra nga kan-on , apan kinahanglang limpyohan ug maayo ug ayuhon sa pagluto .
Gitataw usab ni Poquita nga ang ubang lugar sa Bohol luwas rang kan-on ang mga kinhason .
Facebook Comments
