BFP 10: Octopus connection, likayan aron malikayan ang sunog

63

Nagpahimangno ang Bureau of Fire Protection (BFP) rehiyon 10 ngadto sa mga namaligya ug mamalitay og Christmas lights karong karong Christmas season.

Sa interview sa RMN Malaybalay ngadto kang BFP 10 regional spokesperson Noli dela Rita, gipahimangnoan niini ang katawhan nga magbinantayon sa pagpamalit ug christmas light ug siguraduhon nga adunay sticker nga markado sa DTI tungod kay nagpasabot kini nga gisusi na kini ug luwas nga gamiton.


Matud ni Dela Rita nga kinahanglan nga adunay PS ug ICC mark ang mga paliton nga mga Christmas lights tungod kay mao lamang kini ang nagsubay sa standard.

Tambag pa niini sa publiko nga likayan ang mga baligya ilabina kung dili masabtan ang instruction o direction sa paggamit niini nga nag-giya sa mga konsumante unsaon sa paggamit.

Dugang niya nga angayang bantayan usab ang gamiton sa sulod ug gawas nga Christmas lights tungod kay lahi ang indoor ug lahi usab ang para sa outdoor.

Gipahimangnoan usab niini ang katawhan nga likayan ang octopus connection aron dili mag-overload ang outlet ug aron malikayan ang sunog.




Facebook Comments