BFP-7 magtukod ug team nga moimbistigar sa sunog sa METRO Ayala

Karon nga napawong na ang sunog sa Metro Ayala , tutokan na sa Bureau of Fire Protection Central Visayas sa pagpahigayon ug imbistigasyon labot sa maong hitabo .
Ang Regional Director sa BFP-7 nga si Sr. Supt. Samuel Tadeo nibutyag nga usa ka four – man special investigating team ang tukuron aron mototok sa imbistigasyon .
Ang BFP-7 nibana bana ug P100 milyon ka pesos nga pasiundang danyos sa sunog , apan gipaabot nga mosaka pa kini.
Matud ni Tadeo lakip sa ilang imbitahon ug kuhaan ug pahayag mao ang mga personnel sa Metro Ayala nga diha pa atol sa smoke alarm , sa wa pa makadaku ang sunog .
Gipasabot ni Tadeo nga tungod sa kadaku sa danyos , posibling mosud sa imbistigasyon ang BFP Central Office pinaagi usab sa koordinasyon sa rehiyonal ug lokal nila nga buhatan .