BFP adunay pahimangno sa gamitong dekorasyon sa Pasko

23

Davao City – Kinahanglang sigurohon sa publiko nga dili delikado ang pamaliton o gamitong Christmas lights isip dekorasyon sa pagselebrar sa Pasko.

Kini ang pahimangno ni Senior Fire Officer 2 (SFO2) Ramil Gillado, officer-in-charge sa Intelligence and Investigation Section sa Bureau of Fire Protection (BFP) – Davao sa pakighinabi sa RMN DXDC Davao.

Segun ni Gillado nga kinahanglang masiguro ang quality of safety requirement subay sa Department of Trade and Industry (DTI) sa mga palitong Christmas lights diin kinahanglang aduna kini PS o ICC mark/sticker.

Una, kinahanglang 1.5mm (standard size) ang gibagaon sa wire aron malikayan ang pag overheat niini.

Ikaduha, tan-awon ang plug kung dili ba nipis ug dali mapiko aron safety kini kung gamiton.

Ikatulo, tan-awon usab kung nahaom ang materyales kung asa kini ibutang, kung kini ba pang “indoor” o pang “outdoor” use.

Dugang pa ni Gillado nga kung gamiton ang mga daang Christmas lights nga gitagoan, kinahanglang i-check usa ang mga wires kung pwede pa ba kining gamiton aron kalikayan ang mga unsa mang insidente sa sunog tungod sa dili maayong kalidad sa materyales.

RadyoMaN Kirby Manzon

Facebook Comments