Davao City – Nanawagan karon ang Bureau of Fire Protection (BFP-XI) ngadto sa publiko nga mag-doble igmat sulod sa mga panimalay aron malikayan ang sunog.
Sa interbyu sa DXDC RMN Davao, gibutyag ni Davao City Fire District Chief Intelligence and Investigation head SFO3 Ramil Gillado, tungod sa kainit sa panahon, gikinahanglang papahulayon ang mga appliances aron dili mag-overheat.
“Karon man gud naka home quarantine ‘ta, kasagaran, naga-experience ta’g grabe’g kainit tungod sa summer nato… advice nato kay kasagaran natong maabuso kining electric fan ug aircon dili nato ibabad maayo ug tagaan nato’g time nga mapahulay at the same time avoid nato ang overloading,” segun sa fire bureau official.
Tambag sa BFP nga susihon gayud ang mga linya sa kuryente nga posibleng mamahimong sinugdanan sa sunog ug sa mga nagpuyo duol sa mga kabagnutan, likayan kanunay ang paglabay og upos sa sigarilyo aron dili kini makamugna og distrosong kalayo.
RadyoMaN Aimee Guinita
