Davao City – Gilusad sa Bureau Fire Protection (BFP) Davao Region ang Fire Prevention Month uban sa tema nga ‘Ligtas na Pilipinas Ating E-Campaign, Bawat Pamilya Sanayin, at Kalaaman sa Sunog Palawakin’ nga nagsugod pa niadtong petsa uno aning bulana.
Ubos sa naasoy nga tema, ang ‘Oplan Ligtas sa Pamayanan’ gipalihuk diin ang mga personahe sa BFP mubisita sa mga barangay aron dasigon ang mga opisyal sa pagmugna og kaugalingon nga fire prevention ug protection program.
Matud ni BFP 11 Investigator Senior Fire Officer 1 Ramil Gillado nga ilawom sa maong program dunay upat ka mahinungdanong impormasyon ang ilang gipakuyanap sa mga barangay nga epektibong pang-batok sa sunog.
Sumala ni Gillado nga ilang gitudlo sa mga barangay opisyales pagtabang sa mga firefighters sa ilang pag-responde diin ang sagad sa ilang nalisdan sa pagsulod sa lugar nga nasugogan mao ang kagamay ug ka-piot sa dalan sama sa boulevard area.
So, kung matuhog sa mga opisyal ang upat ka mahinugdanong impormasyon daku na kining ayuda sa mga firefighters isip advancer sa pagpatay diha sa kalayo.
Una, “Andama Kanunay Program” kung asa ang mga personahe sa BFP mubansay sa mga barangay opisyal diha sa pagbaton og kapasidad sa paglusad og seminar sa ilang mga lumulopyo diin itudlo ngadto kanila ang teknik sa pagpatay sa kalayo.
Ikaduha, “Bayanihan Program” sa maong programa ang mga fire volunteer sa barangay hasaon sa pakig-away sa kalayo, pag-rescue, ug pagdapat og first aid sa mga maangol sa sunog.
Ikatulo, “Bucket Relay” diin dasigon ang mga tawo nga magtinabangay sa pagpatay sa kalayo gamit ang tradisyunal nga pamaagi samtang wala pa makaabot ang kabomberohan sa ingon dili na makakuyanap pa ang kalayo sa ubang gambalay.
Ikaupat ug katapusan, “Lingap Program” ang mga taga-barangay bansayon sa paghimo og mapping ug pagdeteminar sa luwas nga agian ug pag-ila sa posibling mga problema nga atubangon sa pagresponde sa mga firefighters.
Sa miaging tuig pa gipalanog sa PAGASA nga 2019 duha ka quarters mataliwan sa daghang mga lugar sa nasud ang El Nino Phenomenon nga maglungtad gikan enero hangtud sa hunyo.
Sa Mindanao, siyam ka mga lugar ang maapektohan ug usa na ang Davao Oriental diin duha na kasema -na nabati ang epekto sa El Nino mao nga ang Provincial Government nagdeklara na og state of calamity dili pa lamang dugay.
Sa datos sa BFP, kapin 14 na ka sunog ang natigayon nga gisambugan sa residential areas ug grass fire sukad pa sa enero nunot sa grabeh nga kainit diin ang kainiton sa ubang lugar muparka og 38 ngadto na sa 40 degree Celsius.
Busa aktibo karon ang BFP 11 sa paglusad og information drive ngadto sa publiko labot sa sagad rason sa sunog aron malikayan ang maong insidente ug disgrasya hatud sa delobyo sa pag-ulbo sa kalayo.
RadyoMaN Joel Viray
