Ginpahanumdum sang Bureau of Fire Protection sa publiko nga mag-aligmat sa tanan nga tion sa posible pagtuhaw sang sunog.
Ginhimo ni BFP-6 Regional Director Fire Supt. Alan Aladano ang pahanumdum sa ginhiwat nga kick-off ceremony sang Fire prevention month kaina (Marso 1).
Suno kay Aladano nga wala sang ginapili nga lugar kag oras ang kalayo kabangdanan kinahanglan gid ang pag-aligmat sang tanan sa posible pagtuhaw sang sunog.
Ginhatagan pagtamod ni Aladano nga indi masarangan sang mga bombero ang pag-away sa sunog kon wala sang bulig sang mga pumuluyo.
Iya pa ginpahayag nga dapat maghalong sa tanan nga tion ilabi na subong nga tig-ilinit nga masami nagataas ang kaso sang sunog.
Facebook Comments
