Davao City – Gipaniguro karon sa Bureau of Fire Protection (BFP) nga mamahimong luwas sa unsa mang insidente sa sunog ang mga delegado sa nagapadayon nga Palarong Pambansa 2019 nga gipahigayon dinhi sa syudad.
Sa pakighinabi sa DXDC RMN Davao kang Senior Fire Officer (SF0) 3 Ramil Gillado, hepe sa intelligence and investigation section sa BFP-XI, gibutyag niini nga adunay gipakatag nga 9 ka mga fire trucks sa mga billeting areas o palibot sa mga playing venues sa sporting event.
“Anaa sa siyam ka fire trucks ang gi-deploy nato pero actually naa ta 12 ka fire stations diri sa Davao ug kini tanan naka alerto,” segun niini.
Gipaniguro usab ni Gillado nga dili maapektuhan ang operasyon sa BFP ingkaso og adunay mo-ulbo nga sunog sa syudad tungod kay sakop ra usab sa ilang area of responsibility nakadeploy ang nahisgutan.
RadyoMaN Kirby Manzon
