Davao City – Gi-awhag karon sa Bureau of Fire Protection (BFP)-Davao Region ang tanang business owners nga mo-comply sa safety standards alang ra usab sa ilang seguridad.
Kini mao ang gibutyag ni BFP-Davao director Fire Senior Superintendent Wilberto Rico Neil Kwan Tiu atol sa gipahigayong AFP-PNP press conference kagahapong adlawa aron malikayan ang susamang nahitabo sa NCCC Mall fire kaniadtong Disyembre 23, 2017.
Atol sa pagsaulog sa Fire Prevention Month ning bulan sa Marso, ilang gipahugtan ang fire safety inspection sa mga establisemento ilabi na kadtong daghang okupante lakip ang mga tulunghaan, mga opisina sa call centers, malls ug department stores.
Sa pikas bahin, giklaro ni Tiu nga wala pa silay nakuhang kopya sa final report human masumite kini sa Interagency Anti-arson Task Force (IATF) ngadto sa Department of Interior and Local Government (DILG). Gani, mag-request pa sila og kopya ngadto sa maong departamento alang sa mga nalambigit nga opisina ug alang sa pag-review sa maong findings.
RadyoMaN Jason Amisola
