Davao City – Mamahimo sumala pang malikayan ang sunog taliwala sa nahitabong sunod-sunod nga insidente niini nga natala dinhi sa dakbayan sa Davao.
Sa pakighinabi sa DXDC RMN Davao kang Bureau of Fire Protection (BFP) Intelligence and Investigation section chief senior fire officer (SFO) 3 Ramil Gillado, gibutyag niini nga angay lamang mahimong responsable ug magpakabana ang matag usa sulod sa panimalay.
“Kining mga ingon ani nga mga fire incidents actually malikayan nato ni kung kita sa atong kaugalingon responasable ta o naa tay pakabana.” saysay niini.
Pipila sa mga angay hinumduman mao ang paglikay sa overloading sa mga electrical appliances, paglikay sa octopus connection, flying connection, pag unplug sa mga nakasaksak ayha mubiya sa panimalay, ug pagpa check sa wirings/linya sa kuryente labi na electrical-related ang sagad hinungdan sa natalang insidente dinhi sa syudad.
Una nang gibutyag sa opisyal ang nakalinyadang aktibidades sa BFP labi na sa pagbansay sa matag barangay sa pagpakusog sa kampanya kontra sunog labi na karong bulan sa Marso nga gikonsiderang Fire Prevention Month.
RadyoMaN Kirby Manzon
