Ya suweri el nuevo instolao District Fire Marshall F/Superintendent Jhufel Brañanola cob el govierno local para eradica el mga squatters na mga barangay que bajo na “fire hazards zone”.
Asegun con Brañanola, bien makamiedo el situaccion del mga barangay donde manada mga squatters ta esta porcausa cay pronto ta man calayat el fuego si porjemplo ta chene quema na tal lugar.
Si Brañanola ya abla cay si hinde pa toma acsyon coneste el govierno local, posible hay vausa pa este perdicion del propiedad y vida del mga residentes.
Problema del mga bumbero cadavez ta responde na mga insendio amo el apiki mga eskenita y dikit-dikit mga casa que amo ta causa raza el fuego.
Mas bueno asegun si man-relocate ya el govierno local conestos mga squatters na mga designao relocation sites para evita desgrasya na futuro. -Bhong Simbajon/RMN News
