Davao City – Nagpahimangno ang Bureau of Fire Protection (BFP) sa mga establisemento sama sa mga malls ug mga gambalay nga kanunang sundon ang safety requirement gikan sa buhatan aron kalikayan ang insidente sa sunog.
Sa pakighinabi sa DXDC 621 RMN Davao kang Senior Fire Officer (SF0) 3 Ramil Gillado, hepe sa intelligence and investigation section sa BFP-XI, gisaysay niini nga bisan og ni-ubos ang ihap sa insidente sa sunog karong bulana, angay gihapong magmaampingon labi na nga karong Abril, sunod-sunod nga fire incidents ang natala sa mga malls sa syudad.
“Naa tay mga panghitabo karon nga nagsunod. Though gagmay lang sya pero at least pero narespodehan dayon nato. Okay ang response sa mga personnel sa ilang security.” segun niini
Dugang niini, nagpahinumdom si Gillado nga mag-amping sa paggamit sa lutoan, i-check kanunay ang LPG ug mga ginagamit sa pagluto.
Angay usab nga ipa-check sa technician ang mga problemang makita sulod sa panimalay o gambalay.
Kahinumduman nga karong bulan sa Abril mi-ulbo ang sunog sa duha ka malls sa J.P. Laurel Avenue ning syudad sa Davao apan kini dali ra usab nga narespondehan.
RadyoMaN Kirby Manzon
