Sa interbyu sa DXDC RMN Davao kang SFO4 Ramil Gillado Chief sa Davao City Fire District ug Station Commander sa SPMC Fire Station gisulti niya mahinungdanon nga seguraduhon nga i-unplug ang mga nakasaksak appliances sa mga balay.
Segun ni Gillado, likayan nga i-on ang suga sulod sa balay kay posibleng hinungdan sa sunog tungod aduna kini posibilidad nga mag-overheat.
Gipahinumduman sa hepe ang publiko nga una kini molakaw sa panimalay seguraduhon nga naka-sirado o naka-lock ang pultahan aron dili mabiktima sa kawat ilabi na sa mga magbakasyon.
Gi-awhag usab ni Gillado, ang mga driver nga mag-amping sa pagmaneho ug una mobiyahe i-check ang kondisyon sa sakyanan.
“I-check nato ang BLOWBAGETS ang mga battery, tubig, ang hangin sa atong ligid unya mga suga ug wiper kay basin maabtan ta og gabii. Kinahanglan naa tay suga. Ikondisyon gyud nato ang sakyanan, ang safety atong siguruhon,”sulti ni Gillado.
RadyoMaN Don Pulayao
