El Zamboanga City District Fire Marshall F/Supt. Jhufel Brañanola ya servi este dia con el notice of violation con el un shopping mall locao na sentro del pueblo pro el violaccion y sin cumplir con el provisiones del Republic Act 9514 conosido como el Fire Code of the Philippines.
Ya espanta el management del Shopper’s Square Incorporated cuando biagla ya aparece temprano enantes aga el combinao personajes del bumbero, barangay oficiales del Zone 2 y el representante del Ofisina del Administrador del Ciudad y ya emplasta na mensyonao establisemiento el grande karatula que ta indica el mga palabra “Warning: This building/structure is fire hazard”.
Asegun con Supt Brañanola na entrevista del RMN Zamboanga que base na records del su oficina, el mensyonao establisemiento chene yay a man issue “Notice to correct violation del April 12, 2013y desfues del serye de inspeccion nuay siempre cumpli el mensyonao etablisemiento hasta aura, que rason para con Brañanola impone el administrative fine of P37,500.00 pursuant to section 13 of IRR of RA 9514, sin embargo, nuay sila coneste paga y yah ace lang no bale nada.
Y porcausa cay ya falla el Shoppers Square cumpli coneste reglamento, si Brañanola ya necavesa ya con el emplastada del karatula ta indica el violaccion del edeficio y como warning na publico ya mismo tiempo.
Desfues de este, si Brañanola hay recomenda ya para na oficina del BFP rehiyunal por el issuance de order of stoppage of operation y closure order. – *Bhong Simbajon/RMN News*
