Davao City- Andam ang 10th Infantry Division (ID) Philippine Army nga mokooperar sa Special Investigation Task Group Plaza kung gikinahanglan man ang ilang kooperasyon sa nagpadayong imbestigasyon sa Murder Case sa businesswoman nga si Yvonette Plaza Chua.
Gibutyag ni Army Captain Mark Anthony Tito, spokesperson sa 10ID, wala pa silay nadawat nga formal complaint batok sa ilang senior officer sa pagkalambigit sa pagpatay sa biktima.
Sumala ni Tito, dili usab sila makahimo og aksyon base sa social media ug maghulat sila sa resulta sa imbestigasyon sa kapulisan, apan kung unsa man ang mga gikinahanglang mga inpormasyon sa PNP itunol nila kini.
Giabisuhan ni Philippine Army chief Lieutenant General Romeo Brawner Jr., si Brigadier General Jesus Durante III nga mupartisipar sa investigation human maduhig ang iyang pangalan sa krimen subay sa Facebook item sa biktima nga gi-post niadtong Abril 2022.
RadyoMaN Aimee Guinita
Facebook Comments
