Davao City – Gisuportahan ni Councilor Bai Hundra Cassandra Advincula ang giduso nga resolusyon ni Committee on Health Chair Councilor Mary Joselle Villafuerte sa paghatag og hazard pay sa mga Barangay Health Workers (BHW).
Sa interbyu sa DXDC RMN Davao kang Advincula gikonsidera nila kining urgent tungod kay usa ang mga BHWs kinsa usa sa mga giilang mga frontliners nga nagserbisyo sa komunidad karong panahon sa COVID-19 pandemic.
“Dako kaayo ning tabang kining giduso sa council with the initiative of Councilor Villafuerte para sa mga BHWs because dili lalim nga you exposed yourselves everyday sa mga taong walay kasiguruhan kung kining mga tao ba ni safe,” segun ni Advincula.
Gibutyag ni Advincula, ang local finance committee ang makahatag og kantidad kung pila ang hazard pay nga itunol sa mga BHWs.
Dugang pa sa konsehala, pamaagi kini karon sa konseho sa pag-rekognisa ug pagpasalamat ngadto sa mga BHW sa ilahang mga sakripisyo.
RadyoMaN Aimee Gunita
