Dako ang pasalamat sa mga ginikanan sa mga bata ilabi kadtong nagtungha sa Biasong Day Care Literacy Center didto sa barangay Biasong sakop ning atong dakbayan sa Dipolog.
Kinsa mao ang naka benipisyo sa gihimong Feeding Program sa RMN DXDR- Dipolog sa pagpanguna ni Station Manager Edgar Dagumo uban sa tibuok pwersa sa DXDR, alayon usab kini sa mga programa sa Radyo Mo Nationwide (RMN Network) sa paghimo ug mga aktibidades matag bulan.
Ang maong Day Care Center adunay kapin 50 ka buok nga mga bata nga nagtungha apan ang anaa kagahapon dili mo ubos sa 30 ka buok mga bata uban usab sa ilang mga inahan.
Nagpanidaron ug 2 anyos hangtod 5 anyos ang mga bata sa maong center nga giatiman usab kini sa ilang Child Development Worker nga si Mrs. Elsie B. Viente nga nagsilbing magtutudlo.
Nagpasalamat si Mrs. Viente nga gihimong instrumento sa Ginoo ang RMN-DXDR aron makatag ug mga grasya ngadto sa kabataan, wala matod pa siya naglaum nga ang ilang Day Care Center ang mapili sa DXDR. Gani lakip usab nga nagpasalamat ang mga inahan sa mga bata sa gihimong Feeding Program sa DXDR.
Kung kahibaloan ang Department of Social Welfare and Development aduna usab Inadlaw nga Feeding sa matag Day care Center dili lang sa brgy. Biasong apan lukop kini sa nasud sa Pilipinas.
Lauman usab nga daghanan pa nga mga aktibidad ang pagahimoon sa RMN DXDR karon nga tuig ug dili lamang feeding program, gani kini karon ang gitawag nga tinuod nga serbisyo publiko.
