Sumala ni Reverend Dominador Cabuenas, gamit kaayo sa personal nga kinabuhi ang pagbasa sa bibliya kon pulong sa Dios kay aron mulambo ang pagtuo ug ispiritwal sa usa ka tawo matag adlaw.
Segun ni Reverend Cabuenas ang pulong sa Dios usab ang pinakataming ug armas sa tawo aron masuklan ug pildihon ang gahom ug trabaho sa dautang espirito nga muatake sa kinabuhi sa matag-indibidwal.
Giingon niini nga ang tawo dili himasa sa Pulong sa Dios maoy daling maluya sa pagtoo, pagbaton og negatibong paglantaw sa kinabuhi, dali mapildi sa mga problema, ug labaw sa tanan sagad sudlan sa dautang espiritu kon demon possessed sama sa nahitabo sa pipila ka estudyante sa Dominga National Highschool nga giatake sa dautang ispiritu diin gihulagway ni alyas Inday ang misulod kaniya nga usa ka itom nga lalake nga nagpuyo sa balite nagtindog atubangan sa eskwelahan.
Ug aron dili mapukan sa giyera sa ispiritual kinahanglan nga basahon ug ikinabuhi ang Pulong sa Dios nga makita dinha sa bibliya.
Busa gidasig sa alagad sa Dios ang katawhan nga hatagan og bili ug panahon ang pag-abli ug pagbasa sa bibliya sa matag-adlaw aron nga magmadaugon sa gubat ispiritwal.
RadyoMaN Joel Viray
