Dili man perpekto ang kinabuhi, pero wala na mag-ingon nga dili ka pwede mungisi. Tagaig oras imung kaugalingon nga magmalipayon. Buhat sa mga butang nga makalipay nimu basta kay makiangayon pod. Kahibaw kang makaayo nimu. Bahala ug usahay masayop ta, hinumdumi kung ang kinabuhi dili perpekto, samot na ang tawo uy ! Hehe
Ania mga idol ang LIMA sa mga importanteng gabay arun ikaw malipay !
*Hunungi na, husto na ang :*
*1. Pagpabilib nimu sa mga tawo sa palibot*
Idol, bisag perpekto paka, ang tawo muhukom ra ba jud! Dili tanan makauyon natu. We are all judgmental beings, dawata kana ! Kapoy sad nang sige tag pakamaayo nila, wag plastikan idol. Pagpakamatinod-anon.
* 2. Kahadluk sa unsay bag-o o mga kausaban*
Kung magpabilin ka sa naandan, unsaon nimu pagkahibaw nga naa pa diay mas better nga nagpaabot nimu sa unahan? Kausaban nga padulong sa kaayohan na ha.
*3. Pagpuyo sa imung kagahapon*
Dili ka mabuhi sa imung karun, kung nalubong pa ka sa imung kagahapon. Kung nasukamod ka, barug oy! Gamita imung tiil, paandara imung utok ug labaw sa tanan, dad-a sad ang imung kasingkasing. Kalimti na ang kagahapon apan bawna ang mga pagtulun-an ini. Ayaw na pagpakabitter, ilubong tikag balik run ! Joke !
*4. Minus nga pagtan-aw sa kaugalingon*
Kung wala nay pagsalig ang mga tawo sa palibot diha nimu, kinsa pa may mabilin ? Salig sa imung kaugalingon. Aduna kay bili aning kalibutana. Walay katungod ang laing tawo para kuhaon kana gikan nimu. You are worth it! You deserve to be loved ! Aduna kay kapasidad nga mubuhat ug maayo, nga muhatag ug kalipay. Higugmaa imung kaugalingon idol.
*5. Overthinking*
Kanang lapos na sa pikas bukid imung mahunahunaan ba. Nindot na kung pagkapositibo ang hisgutan apan dili na maayo kung sa dautan ang padulngan. Sama anang gaproblema lang ka anang wala pa ka makasulod ug trabaho, unya kay gaoverthink man ka, tan-aw nimu wala nay ayu ang kinabuhi. Huy idol! Mata uy ! Ayaw pagtinapulan, lakawlakaw sa unahan kay makakita ra ka sa grasyang nagpaabot. Wala pa lang ang tukmang panahon. Ang tawo nga mag-antos, masantos.
Kusuga makadala ug tando ni idol samtang gabasa oh ! Kauyon jud dah 🙂
Hangtod sa sunod na pod nga BIDLISIW SA KABUNTAGON idol!
*Di maguol,*
*Maikee Gol*
