BIFF may igong kapasidad sa paghimo ug kagubot

General Santos City— Giangkon ni Army Captain Arvin Encinas, tigpamaba sa 6th Infantry Division nga nagapadayon gihapon ang pagpang-recruit sa rebeldeng Bangsamoro Islamic Freedom Fighters kon BIFF.

Apan sa karon matud pa, ilahang mas ginapakusgan ang kampanya batok terorismo aron usab mabatukan ang ilahang pagkumbinsi sa mga sibilyan nga musalmot sa ilahang grupo.

Dako man usab ang ilahang pagtuo nga huyang na ang pwersa sa mga nasangpit tungod na usab sa hinay-hinay nga pagbalik sa sabakan sa gobyerno sa ilahang mga kaubanan.


Gipaniguro man usab ni Capt. Incenas nga walay mahitabong spill over sa Focus Military Operation nga ilahang ginahimo batok sa rebeldeng BIFF.

Rason nga hugot ang ilahang ginahimong pagmonitor sa mga lugar nga posibleng himuong withdrawal area palibot sa SPMS box.

Dugang pamahayag ni Capt. Incenas nga gamay nalang ng ihap sa rebeldeng BIFF gumikan sa pagsurender ingon manang uban ang napatay sa mga operasyon. Apan gi-angkon niya nga adunay igong kapasidad ang maong grupo sa paghimo ug kagubot gumikan sa ilahang mga himan ug igong kahibalo sa paghimo ug mga bomba.

Rason nga padayon ang ilahang pagkig-alayon sa tanang lokal nga panggamhanan ug mga silbilyan gumikan dili lang responsibilidad sa militar ang maong gyera batok rebelde kundili dako ang tabang nga mahatag sa mga sibilyan pinaagi sa paghatag ug impormasyon.

Facebook Comments