Namatay ang 3 myembro ng Bangsamoro Islamic Freedom Fighters (BIFF) habang sugatan naman ang isa makaraang makasagupa ang 33rd Infantry (Makabayan) Battalion sa Barangay Liab, Mamasapano, Maguindanao del Sur kamakalawa.
Ayun kay 33IB Commander Lt. Col. Benjamin Cadiente Jr., isang fire mission ang inilunsad ng kanilang pwersa laban sa grupo ni alyas Boy Jacket ng BIFF.
Kinilala ni Lt. Col. Cadiente ang nasawing kasamahan ni Boy Jacket na si alyas Suharto at dalawang iba pa na patuloy pang inaalam ang pagkakakilanlan.
Samantala, narekober din ng tropa ang matataas na kalibre ng baril at 3 Improvised Explosive Devices (IDE).
Kasunod nito, patuloy sa paghihikayat ang gobyerno sa mga rebelde na magbalik loob na sa pamahalaan at talikuran ang madugong pakikibaka.
