Davao City – Dugang kalisud ang masinatian sa mga Dabawenyo ilabi na ang mga driver sa mga pampublikong sakyanan kalabot sa subling big time oil price increase nga gipatuman sugod karong adlawa Agusto 1,2023.
Sa interbyu sa DXDC RMN Davao kang Canon Mariano, Public Utility Jeepney (PUJ) driver, gibutyag niini nga angay lang usbawan sab ang pletehan gumikan apektado ang ilang kita sa pagpamasada adlaw-adlaw.
Giingon sab ni Roel Loy, taga Matina Gravahan, nga isip driver kinahanglan tabangan sila sa gobyerno pinaagi sa pagbalik sa regular fuel subsidy.
Sugyot sab ni Loy, panahon na nga i-abolish ang oil deregulation law aron makontrola sa gobyerno ang pagsaka sa presyo sa gasolina.
RadyoMaN Don Pulayao
Facebook Comments
