Nasakmit sa kapolisan ang P4.7 milyones nga balor sa shabu gikan sa ilang dinakpan nga usa ka high value target sud sa usa ka motel kaganinang kadlawon.
Ang pangu sa Drug Enforcement Group-7 nga si Supt. Glenn Mayam niila sa ilang dinakpan nga si Walter Villamor , 23 anyos nga taga barangay Guadalupe sa syudad sa Sugbu .
Matud ni Mayam , tulo ka buwan nilang gipanid-an ang ilegal nga negosyo ni Villamor ug dihang ilang nakompirmar , gihimo dayon nila ang operasyon .
Gamit ang budol money nga tunga sa milyon ka pesos gihimo dayon nila ang pagpakigtransaksiyon ni Villamor sud sa usa ka motel diha sa dalan V.Rama ning syudad.
Sutaon sa kapolisan kung unsa kalapad ang operasyon ni Villamor tungod sa kadaku sa bulto nga ilang nakuha gikan niini .
