Davao City – Gikalipay sa mga drivers sa dakbayan sa Davao ang gipatumang bigtime oil price rollback karong adlawa, Nobyembre 13, 2018 gumikan usab sa pagbarato sa produktong petrolyo sa world market karong panahona.
Sa pakighinabi sa DXDC RMN Davao sa usa ka Napol Rio, jeepney driver sa route 10, matud niya dako kini og tabang kanila ilabi na nga hapit na usab ang pasko diin maka-tipid pa sila alang sa mga gastuson sa nasangpit nga selebrasyon.
Subay sa price gas watch update, gipatuman na ang rollback sa presyo sa produktong petrolyo sama sa gasolina nga miubos og 2.30-2.50 pesos kada litro, dos pesos sa diesel ug 1.70-1.80 pesos sa kerosene.
Subay niini, nanghinaut ang mga drivers nga daghan pang rollback sa presyo sa lana ang muabot diin kahinumduman nga sagunson ang pagsaka niini niadtong miaging mga bulan.
RadyoMaN Renz Barbarona
