SYUDAD sang Iloilo – Pormal na nga ginbuksan subong nga adlaw ang ika-anum ka tuig nga Iloilo Bike Festival.
Ang Iloilo Bike Festival (IBF) magalawig sang lima (5) ka adlaw sugod subong nga adlaw Mayo 1 tubtob Mayo 5.
Nagsugod naman ang registration subong nga hapon para sa grand fun ride nga hiwaton sa Mayo 5, las 5:30 sa hapon.
Para sa una nga 500 ka makaparehistro magahatag ang Iloilo City Government paagi sa Iloilo City Youth and Sports Development Office sang libre nga event shirt.
Mahimo ini ma-avail sa pila ka mga bike shop sa syudad.
Ginalauman sang syudad ang linibo ka mga siklista nga magapasakop s agrand fun ride sa Domingo, Mayo 5 sa diin magasugod ini sa Casa de Emperador sa Iloilo Business Park sa distrito sang Mandurriao; labay sa Plaza Jaro; Luna, La Paz; Arroyo Fountain Area sa City Proper; J.M. Basa Street; Plaza Libertad; Muelle Loney; padulong sa bag-o nga Grandstand; balik sa Megaworld Area.
Bilang kabahin sang 6th Iloilo Bike festival may ginahiwat man nga bike exhibit sa Megaworld.
Balantayan man ang BMX Street Exhibition, Family Fun Race nga gin-organize sang Ilongga Cyclists Association ukon ICA sa Mayo 4, Bike Tyangge, kag ang Grand Fun Ride sa Domingo, Mayo 5 sang hapon.
