Biker natapsingan sa pick-up, patay

Davao City – Ginapaabot na lang sa Bansalan Municipal Police Station (MPS) ang mamahimong kasabutan ug kung muduso ba og kaso ang pamilya sa usa ka biker na natapsingan usa ka pick-up truck sa Kilometer 81 Highway, Barangay Sto. Niño, Bansalan, Davao del Sur pasado alas 4:00 sa hapon, Oktubre 8, 2023.

Sa pakighinabi sa DXDC RMN Davao kang Police Corporal Donald Pedregosa, imbestigador sa Bansalan MPS, iyang giila ang biktima nga si Carlito Capuyan, residente sa Makilala North Cotabato.

Sa imbestigasyon, ana sa outer lane ang biker samtang nag-park sa iyang mountain bike sa dihang kalit na lamang kining natapsingan sa pick-up truck nga gimaneho ni Zuharto Kasim Malaco, 45-anyos nga taga Maguindanao.

“Daghan ma’g saksi nga nakakita nga paspas ang dagan sa sakyanan maong na-side sweep tong biktima nga nagpahulay siguro kay pauli na,” matud ni Pedregosa.

Gilayong gidala sa ospital ang biktima apan gideklara na kining dead on arrival.

Sa inisyal nga kasabutan, mipasalig ang tag-iya sa pick-up nga tabangan niini ang pamilya aron mapahilona ang patay’ng lawas sa biktima.

RadyoMaN Kirby Manzon