Davao City – Depende laman sa appreciation sa Department of Justice (DOJ) kun ang testimonya ba ni Rodel Jayme katohoan ba, nagsulti ba kini sa tinuod nga wala kini kalabutan sa pag-upload sa video ni Bikoy nga nagkatag sa social media.
aron himoon siyang testigo batok sa mga tawo nga anaa sa likod sa pagpangdaut kang Pangulong Rodrigo Duterte ug sa unang pamilya nga maoy pinakadakong operator sa droga sa nasud.
Matud sa Institute for Political and Electoral Reforms (IPER) Executive Director Prof. Ramon Casiple, ang posibilidad aron himoong testigo si Rodel magdepende tanan sa hukom sa DOJ kung ila bang tuhoan o dili ang paglimod ni Rodel nga iyaha kun siya ang nag-upload sa video sa gihimo niini nga metro.balita website nga nag-atake kang Pres. Rodrigo Duterte.
Matud ni Casiple, ang tumong lamang gayod sa video ni Bikoy mao nga dauton ang pamuno-nasud ug ang pamilya niini nga alegasyong maoy tinuod nagpadagan sa negosyo sa droga sa tibuok nasud busa dili matawag nga sedition batok sa administrasyong Duterte ang akusasyon ni Bikoy.
Ug niini, sayo pa aron masulti kung angayan bang kasohan sa maong mga salaud si Rodel Jayme.
Ang kuyaw lang kung mulampos si Bikoy sa pagguba sa kredibilidad ni Duterte dili na unya lisod sa mga kontra nga palagputon sa poder ang amahan sa nasud apan suntok sa buwan kini gumikan sa makabubungog nga suporta sa katawhan ning kasamtangang gobyerno.
Wala suportahe ni Casiple ang dakung katahap sa uban nga ang Liberal Party mao utok sa pagdalahig kang Duterte sa pagpakatag sa droga sa nasud.
Kini gawas lamang kung adunay konkretong komunikasyong mabasa diha sa mga gadgets nga narekober sa NBI gikan kang Rodel diin gimandoan kini nga i-upload ang video ni Bikoy.
RadyoMaN Joel Viray
