Pontevedra, Capiz- Napatay na ang isa ka biktima nga naluthangan samtang yara sa binaylehan sa Brgy Lantangan banwa sang Pontevedra.
Ginkumpirmar ni Police Staff Sgt. Reah Batuigas sang Pontevedra PNP, ginbawian sang kabuhi ang biktima nga ginkilala kay Melfer Bangud sang Sitio Lunok Barangay Vizcaya, President Roxas, Capiz samtang ini ginabulong sa Intensive Care Unit(ICU) sang Roxas Memorial Provincial Hospital.
Natigayon pa nga matudlo sang biktima nga si Kagawad Joseph Manican sang Barangay Lantangan Pontevedra Capiz amo ang responsable sa pagluthang sa ila nga mag-utod.
Madumdoman nga una na nga ginbawian sang kabuhi ang magulang sini nga nakilala kay Felome matapos nga nag-angkon sang patal nga pilas sa dughan.
Nadakpan naman sang mga kapulisan si Brgy Kagawad Joseph Manican apang ini ang gin-release kagab-i matapos nga nagtapos na ang reglimentary period sa pagkustodiya sa iya.
