Dipolog City-Nasubo pag ayo ang mga biktima sa sunog ngadto sa mga sakop sa bombero tungod sa kadugay matod pa nga pag responde niini.
Saysay pa sa pipila ka mga residente nga moabot sa 20 ka minutos ang milabay usa nahidangat ang bomber hinungdan halos 60% na ang gikaon sa kalayo.
Nadugay pag responde ang bombero tungod sa kaapike usab sa dalan ug kinahanglan pa sila nga molibot duol sa Montaño pasulod sa Governors Village.
Mga 5:30AM kagahapon, gideklara na sa BFP nga fire out.
Sa wala pa miabot ang mga taga BFP, ang pipila ka mga residente sa mao nga lugar nagtinabangay sila ug sa pagsabyag ug tubig gamit ang balde, apan dili makaya pag palong tungod sa kakusog sa kalayo.
Atoll sa maong sunog, atua usab ang prinsensya samga brgy. Tanod sa Turno, ug si konsehal Randyl Malificiar Ug si City Councilor Maynard Baes.
Sa pakighinabi ngadto kang Konsehal Malificiar, gibutyag niini nga adunay plano ang barangay Turno, nga butangan ug water hydrant ang mao nga lugar, para kun ugaling adunay mahitabo nga sunog dali kining mabombahan ug tubig.
Sa karon padayon matod pa ang negosasyon sa taga Dipolog City Water District ug sa LGU Turno, DipologCity.
Aron sa ingon dili na mahitabo nga dugay ma respondehan sa Bombero kun may sunog sa mao nga area kung mahinayon ang plano sa pagbutang ug water hydrant.
Sa karon gipahimutang na sa mga opisyales sa barangay Turno ang mga biktima sa lugar nga luwas samtang nagapa-abot sa hinabang gikan sa gobyerno ug sa mga pribadong indibidwal.
