Masuwerte nga nakaluwas sa kamatayon ang isa ka lalaki nga ginluthang sang nakaligad nga gab-i sa barangay Barasanan D, Tobias Fornier, Antique.
Yara na karon sa estable nga kondisyon ang biktima nga si Jessar Rubinos, 28 anyos sang amo man nga lugar.
Ginpahayag ni Police Staff Sgt. Elmer Paroja nga nagapungko sa sulod sang balay si Rubinos samtang nagalantaw sang Tv sang hinali nga ginluthang sang wala pa makilala nga mga suspek.
Suno kay Paroja nga nakaagum sang pilas sa likod, dulunggan kag ulo apang masuwerte nga wala ini mapuruhan kag karon luwas na ang kahimtangan sa ospital.
Indi pa matumod sang kapulisan kon ano ang motibo sa tuyo nga pagpatay sa biktima nga suno kay Staff Sgt. Paroja isa ka maayo nga tawo kag wala sang kontra sa ila lugar.
Padayon pa nga gina-imbestigahan sang mga pulis ang nasambit nga kaso.
