Wala gid na-zero sa firecracker-related injuries ang probinsya kag ciudad sa pag-saulog sang bag-ong tuig.
Ini kasunod nga may na-record gihapon nga mga biktima nga nasamaran tuga sang palupok sa pila ka bahin sang Negros Occidental kag ciudad sang Bacolod halin December 31 tubtub January 1, 2020.
Isa ka 12-anyos halin sa Brgy. Banago napilas ang mata bangud sang palupok, sa San Juan St., may 45-anyos nga napilasan sa kamot, sa Brgy. 35 may 18 anyos nga napilasan sa batiis, 13 anyos naman ang nabiktima kag napilas sa kamot sa Brgy. 12.
Isa ka 40-anyos ang biktima sa Brgy. 40 nga napilasan sa batiis, sa Celine Homes 14 anyos napilasan sa kamot, may pilas man sa tuo nga kamot ang 49-anyos nga biktima nga taga-Villa Angela samtang may na record man nga biktima halin sa Brgy. Estefania kag Brgy. 19.
Sa Talisay City duha ang biktima, sa Cadiz may biktima nga 12 anyos nga nalukpan sa kamot, sa banwa sang Murcia napilas sa iya mata ang isa ka 42-anyos samtang sa banwa sang Hinigaran isa ka 10-anyos ang napal-ok ang kilay kag nawong bangud sang palupok.
