Patuloy ang pagdagsa ng mga pasahero sa Parañaque Integrated Terminal Exchange (PITX).
Kabilang sa mga dumaragsa ang mga pasaherong pabalik ng Metro Manila at ang patungo ng mga lalawigan.
Sa ngayon, mahigit 60K na ang mga pasaherong pumapasok sa nasabing central terminal.
Nilinaw naman ng pamunuan ng PITX na walang mga kanseladong biyahe ngayon ng mga bus sa mga lalawigan.
Sa harap ito ng banta ng sama ng panahon.
Pinaalalahanan naman ng pamunuan ng PITX ang mga sumusundo at mga naghahatid na pribadong sasakyan na huwag iiwanan sa labas ang kanilang mga sasakyan dahil nagdudulot ito ng traffic sa mga bus na dumarating mula sa mga lalawigan.
Facebook Comments
