Bilang ng mga nagpositibo sa COVID-19 sa buong mundo, umabot na sa mahigit 1.7 milyong katao; global death toll, sumampa na sa higit 102,000

Umabot na sa mahigit 1.7 milyong katao ang nagpositibo sa Coronavirus Disease 2019 (COVID-19) sa buong mundo.

Ayon sa ulat, nakapagtala ang bansang Estados Unidos na mataas na bilang na nagpositibo kung saan ay umabot na sa kalahating milyon o nasa 502,318 habang nasa 18,637 naman ang namatay at 27,314 ang nakarekober sa nasabing sakit.

Kaugnay nito, umabot naman sa 102,718 ang namatay sa buong mundo dahil sa COVID-19 at ang nakarekober ay nasa 376,254.

Samantala, nabatid na ang Europe ang pinaka-natamaang kontinente kung saan ang bansang Italy ay may mataas na bilang na mga namatay na nasa 18,849 at sinundan naman ito ng Spain na may 16,081 death toll.