Davao City – Wagtangon kun i-demolish ang mga billboards nga nakaharang sa Mt. Apo view.
Kini maoy gibutyag ni Davao City Councilor Mabel Acosta atol sa gipahigayong Pulong Pulong ni Pulong (PPP) sulod sa Sangguniang Panlungsod karong adlawa.
Sumala ni Acosta, subay kini sa pinal nga desisyon sa Supreme Court kaniadtong Pebrero sa kasamtangang tuig batok sa Davao Billboard Sign Makers Association human milapas sa ordinansa sa dakbayan nga pagbawal og tukod og billboards sa may tulay ilabi na sa Bankerohan ug Bolton Bridge diin nakaharang sa view sa Mt. Apo.
“No concrete or still structure made by man can compare to the beauty and majesty of Mt. Apo which sits to the boarder of Davao City, Cotabato and Bukidnon. So sayang ang ating heritage of this natural treasure kung hindi naman na-eenjoy ng constituents natin,” segun niini.
Dugang sa Committee on Public Safety and Security Chairperson nga magpahigayon sila usab og inspection kauban ang mga responsableng ahensiya aron masuta kung unsa pa nga mga billboards ang nakalapas sa maong ordinansa.
Ilawom sa Ordinance No. 092 Series of 2000, ginadili ang pagtukod og sign ug signboard nga posibleng makaharang sa view sa Mt. Apo ug Davao Gulf.
RadyoMaN Jason Amisola
