Roxas City, Capiz- Pormal na nga nagfile kahapon nga adlaw sang ila Certificate of Candidacy(COC) ang mga kandidato sang Liberal Party kag NUP sa probinsya sang Capiz.
Antes sini isa anay ka misa ang ginpatigayon sa Roxas City Metropolitan Cathedral antes ang pagpadulong sa talatapan sang City kag Provincial Comelec Office.
Ang mga ini ang ginpangunahan ni incumbent Governor Antonio del Rosario nga magapapili sa iya ikaduha nga termino sa pagka gobernador, Cong. Emmanuel Billones Sr. sa premiro distrito samtang si Cong. Fredinel Castro sa Segundo distrito sang Capiz ang wala pa maka-file bangud may yara sang gina-atender sa probinsya sang Antique.
Samtang ang gumangkon nga si Nico Magbanua amu naman ang nagsumiter sang Certificate of Candidacy ni GRECON President James Mitang Magbanua para sa pagka-bise gobernador.
Kumpleto naman nga nagfile sang ila COC ang kandidato sang LP – NUP coalition sa pagka-board member sa 2nd district nga ginalakipan sang tatlo ka incumbent board members nga sanday Victor Tanco Jr., Karen Palomar kag Atty. Eleuper Martinez, PCL President Elmer Arevalo kag Atty. Mateo Hachuela.
Sa 1st district, naka-file na sanday incumbent Board Members Jonathan Besa kag Ricky Martin, Former Pontevedra Mayor Dr. Steve Contreras, Maayon Vice Mayor Weldie Apolinario samtang wala pa maka-file sang iya nga COC ang isa pa ka kandidato nga wala pa mahingadlan sang partido.
Sa Roxas City, kumpleto nga nakafile ang tanan nga slate sang LP sa pagpanguna ni Atty. Ronnie Dadivas sa pagka-alkalde kag Vice Mayor Erwin Sicad sa pagkabise-alkalde kaupod ang napulo ka mga konsehal.
Ang mga ini ang ginalakipan nanday incumbent City Councilors Jon Sumcad, Trina Marie Almalbis-Ignacio, Cora Balgos-Tiangco, Dr Cesar Yap Jr kag City Councilor Atty. Garry Potato.
Samtang ang mga bag-o nga mga kandidato nga nakasulod sang slate sang LP amo sanday Atty. Paul Ivan Baticados, negosyante nga si Mr. Leny Apaitan, Kapitan Jhon Paul Arcenas sang Brgy. Gabuan, Kapitan Jerico Celino sang Brgy. San Jose kag Donel San Antonio.
© Capiz Aksyon News Center photo
