Davao City – Gumikan sa panagbulag sa iyang hinigugmang lalake nakahukom ang usa ka bayot nga hunuson ang iyang kinabuhi pinaagi sa paghikog.
Patay nang nakaplagan ang biktima nga si alyas El-el, 19 anyos, estudyante, nagpuyo sa Woodridge Subdivision Barangay Ma-a, Davao City, sa iyang mga igsoon ug ginikanan alas 12:40 sa kahapunon.
Sa inbestigasyon sa Talomo PNP, uban nga narekober sa patay’ng lawas ang suicide note ingon man ang tualya nga gibaat sa liog ug gihigot sa window grills sulod sa lawak sa biktima.
Gikumpirmar sa inahan nga niadtong Nobyembre 1, 2017 nagbulag ang iyang anak ug uyab niining lalake nga gikasakit og maayo sa biktima.
Ang patayng lawas sa biktima gidala na sa Angel Funeral Parlor samtang ipa ilalom kini sa autopsy.
RadyoMaN Erin Lumosbog
