Davao City – Mireklamo sa Talomo PNP ang usa ka binabaye nga si alyas Shamcey, 19 anyos, nagpuyo sa Barangay Matina Aplaya human mahanaw ang iyang cellphone sa dihang gika-date ang usa ka call boy sa Times Beach alas 2:30 sa kaadlawon.
Sa blotter sa presinto tres, samtang naglingaw-lingaw si alyas Shamcey ug ang suspek nga si alyas Jumbo ibabaw sa pinong balas daplin sa baybayon diin kalit lamang nahanaw ang cellpone sa biktima.
Gi-akusahan sa biktima si alyas Jumbo nga maoy nagkawat sa iyang cellphone tungod kay sa wala pa sila mag exhibition daplin sa baybay, nagtupad ang ilang duha ka cellphone kilid sa ilang nahimutangan.
Sa dihang nakatagpilaw ang biktima tungod sa ilang kumbati, nahanaw na ang iyang cellphone ug ang iyang gidudahan ang call boy nga iyang gika-partner.
Balhog sa prisohan si alyas Jumbo tungod kay ang amigang babaye sa biktima nakakita nga sa dihang nakatulog ang bayot daling gipasa sa suspek ang cellphone sa iyang mga kakutsabang call boy sa maong dapit.
RadyoMaN Erin Lumosbog
